दैलेख जिल्लाका एक सादगी नेता अस्ताएका छन ।
नेपाली कांग्रेसका नेता तथा पूर्व राज्यमन्त्री गणेशबहादुर खड्काको ८२ वर्षका उमेरमा निधन भएको छ । दैलेखको नारायण नगरपालिका–७ किमुगाउँमा रहेको आफ्नै निवासमा उहाँको विहिवार विहान निधन भएको हो । उहाँ लामो समयदेखी अस्वस्थ हुनुहुन्थ्यो । उहाँको उपचारका लागि खर्चको अभावमा परिवारले निकै कष्ट व्यहोर्नुपरेको थियो । उहाँकै आग्रहमा केहिदिन अघि काठमाडौवाट परिवारले खड्कालाई घरमा ल्याएका थिए ।
नेता खड्का कांग्रेसका २०४८, २०५१ मा प्रतिनिधिसभा सदस्य र २०६४ को पहिलो संविधानसभा निर्वाचनमा तीन पटक दैलेख निर्वाचन क्षेत्रवाट निर्वाचित हुनुभएको थियो ।२०५२ मा शेरबहादुर देउवा प्रधानमन्त्री हुँदा निर्माण तथा यातायात व्यवस्था सहायक मन्त्री बन्नुभएकै समयमा खड्काले सुर्खेत–दैलेख मोटरबाटो र बिजुली दैलेख सदरमुकाममा पुर्याउन अग्रणी पहल गर्नु भएको थियो। त्यस्तै २०६६ सालमा माधव नेपाल प्रधानमन्त्री हुँदा उहाँ स्थानिय विकास राज्यमन्त्री बन्नुभएको थियो ।
प्रकाशित मिति : २०८२ जेठ १५ गते बिहीबार
प्रतिक्रिया दिनुहोस्